ეროვნული ლიგის მე-9 ტური წყალტუბოს სამგურალსა და დინამო თბილისის მატჩით გაიხსნა, რომელიც საკმაოდ დრამატული გამოდგა.
ანგარიში 33-ე წუთზე მათე ვაწაძემ პენალტით გახსნა, მეორე ნახევარი კი უფრო საინტერესო იყო, სადაც ვაწაძემ სხვაობა ორამდე გაზარდა, 69-ე წუთზე კი შეცვლაზე შემოსული ირაკლი სირაძე მოედნიდან გააძევეს.
10 კაცით დარჩენილი დინამოს წინააღმდეგ სამგურალი დიდ უპირატესობას ფლობდა, თუმცა დინამოელთა მეკარე მიხეილ მაქაცარია მოწოდების სიმაღლეზე იყო.
82-ე წუთზე რიანიმ ერთი ბურთი გაქვითა, თუმცა ეს საკმარისი არ გამოდგა და დინამომ სამგურალი მძიმე ბრძოლაში 2:1 დაამარცხა.
ამ მატჩის მთავარი ინტრიგა თემურ ქეცბაია იყო, რომლის დებიუტი დინამო თბილისის მთავარი მწვრთნელის რანგში წარმატებული გამოდგა.
9 ტურის შემდეგ, დინამოს 11 ქულა აქვს და მე-6 პოზიციაზეა, სამგურალი კი 8 ქულით ბოლოსწინა ადგილს იკავებს.
