"წითელი ეშმაკების" გულშემატკივარი თამაშობდა მონღოლურ გუნდებში და ოცნებობდა პრემიერ ლიგაზე, თუმცა ეს ნატვრა აუხდენელი დარჩა. რაც შეეხება ბატბოლდის მოგზაურობას: ველოსიპედით მსვლელობა მან ულან-ბატორიდან, 2023 წლის მაისში დაიწყო, გზად კი, პრაქტიკულად, ნახევარი მსოფლიო გაიარა.
მონღოლეთი, ჩინეთი, ყაზახეთი, უზბეკეთი, თურქმენეთი, აზერბაიჯანი, ირანი, თურქეთი, ბულგარეთი, ჩრდილოეთ მაკედონია, კოსოვო, მონტენეგრო, ხორვატია, სერბეთი, უნგრეთი, ავსტრია, შვეიცარია, გერმანია, საფრანგეთი, ინგლისი - ეს ის ქვეყნებია, რომლებიც მონღოლმა მოგზაურმა თავისი თავგადასავლის მსვლელობისას გამოიარა.
ცხადია, სადაც სრულდებოდა სახმელეთო საზღვარი, მას უწევდა თვითმფრინავით სარგებლობა, სხვა შემთხვევაში კი მხოლოდ ველოსიპედი იყო მთავარი მეგზური. დიდ ბრიტანეთში ჩასვლისას, ბატბოლდმა ოცნება აიხდინა და "მანკუნიანელების" მატჩს უყურა. მისმა საყვარელმა კლუბმა ინგლისის ლიგის თასის 1/2 ფინალის დრამატულ ბრძოლაში ქოვენთრის მოუგო.
ოლდ ტრაფორდის ბინადრები თავდაპირველად 3:0-ს იგებდნენ, თუმცა შემდეგ, მოწინააღმდეგემ ასევე სამი გოლი გაიტანა, ყველაფერი კი თერთმეტმეტრიანების სერიამ გადაწყვიტა. მანჩესტერის ქომაგის საყვარელი მოთამაშე უეინ რუნია. კლუბმა ერთგულ ქომაგს ეს ოცნებაც აუხდინა და თავის კუმირს შეხვდა.
