2024 წლის შემოდგომის ტესტების ბოლო მატჩის შემდეგ, სადაც საქართველოს ნაკრებმა ტონგა ანგარიშით 22-7 დაამარცხა, "ბორჯღალოსნების" მთავარმა მწვრთნელმა, რიჩარდ ქოქრილმა ისაუბრა და ერთწლიანი მუშაობა შეაჯამა.
"განვლილი მატჩებით კმაყოფილი ვარ, წინ მსოფლიო თასია, რომლისთვისაც ვემზადებით და 1/4 ფინალში ვაპირებთ გასვლას. თითოეული მატჩი კი ამ მოსამზადებელ ეტაპზე დადებული თითო აგურია" — განაცხადა რიჩარდ ქოქრილმა.
დღევანდელი მატჩით საქართველოს მორაგბეთა ეროვნული ნაკრებისთვის 2024 წლის სეზონი დასრულდა, წინ 2025 წლის რაგბი ევროპაა, რომელიც სტარტს 31 იანვარს აიღებს და 16 მარტს დასრულდება.
