დღეს, ეროვნული ლიგის მე-11 ტური გაიხსნება. ტურის ცენტრალური შეხვედრა ქუთაისში შედგება, სადაც ერთმანეთს ტორპედო და იბერია დაუპირისპირდებიან.
ამ მატჩს ბევრი ინტრიგა ახლავს თან. ერთი ის, რომ ტორპედომ სეზონი მძიმედ დაიწყო და თუ კლუბს მაღალი მიზნებისთვის ბრძოლის გაგრძელება სურს, მოქმედ ჩემპიონ იბერიას აუცილებლად უნდა მოუგონ და სატურნირო ცხრილში სხვაობა შეამცირონ.
კიდევ ერთი ფაქტორი გიორგი კოხრეიძეა. იბერიას აღზრდილი ფეხბურთელი, რომელიც გასულ სეზონში წლის საუკეთესოდ დასახელდა, ტორპედოს მაისურით თავისი ყოფილი კლუბის წინააღმდეგ ითამაშებს.
ტორპედომ საშინაო არენაზე გაგრა დაამარცხა და მზად არიან, ათასობით ქომაგის წინ, მნიშვნელოვან მატჩში წარმატებას მიაღწიონ.
აღსანიშნავია, რომ ლევან კორღალიძის იბერია ჩემპიონის სტატუსს ამართლებს და ჯერჯერობით, ამ სეზონში საერთოდ არ წაუგია.
ეროვნული ლიგის მე-10 ტური
28 აპრილი
19:00 დილა-გაგრა
21:00 ტორპედო-იბერია
29 აპრილი
კოლხეთი-თელავი
სამგურალი-დინამო თბ
დინამო ბთ-გარეჯი
