კონფერენს ლიგის საკვალიფიკაციო ეტაპზე დღეს 3 ქართული კლუბი ითამაშებს. სამწუხაროდ, ევროტურნირებს საქართველოს მოქმედი ჩემპიონი იბერია უკვე გამოეთიშა.
გორის დილასაც, ტორპეოდსაც და სპაერსაც თავიანთი პირველი მატჩები წაგებული აქვთ, თუმცა ახლა შინ თამაშობენ და დასრულებული ჯერ არაფერია.
დილა - რიგა
პირველ შეხვედრაში ლატვიუტი გუნდი დიდ უპირატესობას ფლობდა და რომ არა დილას მეკარე დავით კერესელიძე, გორელები უფრო დიდი ანგარიშით წააგებდნენ. პირველი შეხვედრა 2:1 დასრულდა.
როგორც წესი, დილა საკუთარ მოედანზე, სავსე ტრიბუნის წინ ყოველთვის კარგ ფეხბურთს თამაშობს და გამონაკლისი არც დღევანდელი შეხვედრა უნდა იყოს. მატჩი 20:00 საათზე დაიწყება.
სპაერი - აუსტრია ვენა
სამწუხაროდ, სპაერს წილისყრაში არ გაუმართლა და ერთ-ერთი ყველაზე ძლიერი მეტოქე შეხვდა. ვენის აუსტრია კინაღამ ავსტრიის ჩემპიონიც კი გახდა და შტურმს და ზალცბურგს დიდი კონკურენცია გაუწია.
აუსტრიამ პირველი შეხვედრა 2:0 მოიგო და თბილისს კომფოფორტული უპირატესობით ეწვია. სპაერისთვის ეს სადებიუტო ევროტურნრიები იყო და რაც არ უნდა იყოს, დიდ გამოცდილებას მიიღებენ. ეს შეხვედრაც 20:00 საათზე დაგეგმილი.
ტორპედო - ომონია
ყველაზე დიდი აფიშის მქონე მატჩი და რამაზ შენგელიას სტადიონი სავსე ტრიბუნების მოლოდინში. ტორპედომ კვიპროსში 1:0 წააგო და საშინაო არენაზე გამარჯვებას გვპირდებიან.
პირველი მატჩიდან გამოჩნდა, რომ ომონია იმ დონის გუნდი არ არის, ტორპედომ წინააღმდეგობა რომ ვერ გაუწიოს. დირკ შუსტერის ტქმით, ძირითად შემადგენლობაში რამდენიმე ცვლილებაიქნება. 11-ეულში გიორგი კოხრეიძეს უნდა ველოდოთ, რომელიც ტორპედოს შეტევებს ფანტაზიას შემატებს. მატჩი 21:00 საათზე დაიწყება.
