ჩემპიონთა ლიგას შემორჩა რამდენიმე ფეხბურთელი, რომელსაც საუკეთესო ბომბარდირობის შანსი აქვს. პირველ ადგილზე 13 გოლით ამ დროისთვის არის სერუ გირასი, მაგრამ მისი დორტმუნდის ბორუსია მთავარ საკლუბო ტურნირს უკვე გამოეთიშა. გერმანულმა გუნდმა ბარსელონასთან წააგო.
გვინეელი თავდამსხმელის შემდეგ 12 და 11 გოლით მოდის კატალონიური დუეტი - რაფინია ბელოლი და რობერტ ლევანდოვსკი. 11 ბურთი შეგდებული აქვს ჰარი კეინსაც, მაგრამ ვესტფალიელთა ფორვარდის მსგავსად, შემდეგ ეტაპზე ასპარეზობას ისიც ვეღარ შეძლებს, მიუნხენის ბაიერნმა მილანის ინტერთან წააგო.
სხვა შემორჩენილი ფეხბურთელებიდან ასევე გამოსარჩევები არიან "ნერაძურის" კაპიტანი, ლაუტარო მარტინესი (რვა გოლი) და პარის სენ-ჟერმენის ვინგერი, უსმან დემბელე (შვიდი გოლი). აქვე დავამატებთ, რომ მთავარი საკლუბო ტურნირის 1/2 ფინალში "ბლაუგრანა" დაუპირისპირდება "გველებს", პსჟ კი ლონდონის არსენალს.
ჩემპიონთა ლიგის ბომბარდირთა რბოლა
| ფეხბურთელი | გოლების რაოდენობა |
| სერუ გირასი | 13 |
| რაფინია ბელოლი | 12 |
| რობერტ ლევანდოვსკი | 11 |
| ჰარი კეინი | 11 |
| ლაუტარო მარტინესი | 8 |
| ვინისიუს ჟუნიორი | 8 |
| ერლინგ ჰოლანდი | 8 |
| უსმან დემბელე | 7 |
