ჩემპიონთა ლიგის მეოთხედფინალში ლივერპული პარის სენ-ჟერმენს დაუპირისპირდება. ამ ფაქტთან დაკავშირებით ისაუბრა მერსისაიდელთა შუახაზელმა, დომინიკ სობოსლაიმ, რომელმაც აღნიშნა, მის გუნდს პსჟ-სთან მოგება შეუძლია.
"ვუყურე ჩელსისა და პარის სენ-ჟერმენის მატჩს, მინდა ვთქვა, რომ ჩვენი მომავალი მეტოქე მართლაც ძლიერი გუნდია. ამის მიუხედავად, ჩვენ დავამტკიცეთ, ნებისმიერ მოწინააღმდეგესთან მოგება შეგვიძლია. იქამდე დიდი დროა და ამ მომენტისთვის ბრაიტონთან შეხვედრაზე ვართ კონცენტრირებულები."
შეგახსენებთ, რომ ჩემპიონთა ლიგის მერვედფინალში "წითლებმა" გადალახეს გალათასარაის ბარიერი, პსჟ-მ კი როგორც სახლში, ისე სტუმრად "არისტოკრატებებს" მოუგო. "ლურჯ-წითლების" მხრიდან ორივე შეხვედრაში გაიბრწყინა ხვიჩა კვარაცხელიამ, რომელმაც ლონდონელების კარი აიღო 3-ჯერ და მან ასისტიც გაიფორმა.
