დასრულდა ჩემპიონთა ლიგის ფაზა, რაც გასულ სეზონთან პარალელის გავლების საშუალებას გვაძლევს. 2024/2025-ში ტოპ რვაში შევიდნენ შემდეგი კლუბები: ლივერპული, ბარსელონა, არსენალი, ინტერი, ატლეტიკო, ლევერკუზენი, ლილი და ასტონ ვილა. ჩემპიონი მათი მხრიდან ვერავინ გახდა.
საუკეთესო შედეგი დააფიქსირა მილანურმა გუნდმა, რომელმაც ჩემპიონთა ლიგის ფინალამდე მიაღწია. გამოსარჩევები ასევე არიან კატალონიელები და ლონდონელები, 1/2 ფინალით თავიანთ აქტივში. რაც შეეხებათ დანარჩენებს: მერსისაიდელები, მადრიდელები, ბაიერი და "მასტიფები" გამოვარდნენ 1/8 ფინალიდანვე, ბირმინგემელები კი 1/4 ფინალში.
ჩემპიონთა ლიგის გამარჯვებული გახდა პარის სენ-ჟერმენი, რომელმაც ფაზაში დაიკავა მე-15 ადგილი, შემდეგ კი პლეი ინით მერვედფინალის საგზური მოიპოვა. წელს, პსჟ-ს იგივე გზის გამეორება უწევს. რაც შეეხება მიმდინარე სეზონს, შარშანდელის მსგავსად, ტოპ 8-ში კვლავ არიან ენფილდის ბინადრები, "ბლაუგრანა" და "მეთოფეები".
ამ სამეულის მეზობლად განთავსდნენ ბაიერნი, ჩელსი, მანჩესტერ სიტი, ტოტენჰემი და როგორი გასაკვირიც არ უნდა იყოს, სპორტინგი. ვნახოთ, ამჯერად რა შედეგით დაასრულებენ სეზონს ევროპის მთავარი საკლუბო ტურნირის ფაზის საუკეთესო წარმომადგენლები.
ჩემპიონთა ლიგის ფაზის გასული სეზონის ტოპ 8 და მათი შედეგი
| ლივერპული | 1/8 ფინალი |
| ბარსელონა | 1/2 ფინალი |
| არსენალი | 1/2 ფინალი |
| ინტერი | ფინალი |
| ატლეტიკო | 1/8 ფინალი |
| ლევერკუზენი | 1/8 ფინალი |
| ლილი | 1/8 ფინალი |
| ასტონ ვილა | 1/4 ფინალი |
