ჩემპიონთა ლიგის ფაზის მესამე ტურში ლივერპულმა გასვლაზე ფრანკფურტის აინტრახტი 5:1 გაანადგურა. სტუმრების კარს იცავდა გიორგი მამარდაშვილი, რომელმაც 6.5 ქულა მიიღო. არ არის გასაკვირი, იმის გათვალისწინებით, რომ ახალგაზრდა გოლკიპერს საქმე პრაქტიკულად არ ჰქონია.
"არწივებმა" მერსისაიდელთა კარისკენ დაარტყეს ოთხჯერ, უშუალოდ კარში კი წავიდა ერთი ბურთი და ეს დარტყმა გოლით დასრულდა. აქვე დავამატებთ, "წითლებმა" 23 სექტემბრის შემდეგ, პირველი შეხვედრა მოიგეს. იმის შემდეგ, მათ ანგარიშზე იყო ზედიზედ 4 წაგება, მაგრამ დღეს, ენფილდის ბინადრებმა ნავსის გატეხვა მოახერხეს.
