მადრიდის რეალის ჩემპიონობის შემდეგ, ესპანეთის დედაქალაქში ზეიმია. ქალაქის ქუჩებში საჩემპიონო დემონსტრაციის შემდეგ ლა ლიგის ტრიუმფატორებმა შეიარეს ქალაქის მერიაში, სადაც სახალისო საჩუქარი დატოვეს. ცნობილი ფაქტია, რომ მადრიდის მერი, ხოსე ალმეიდა, არის არა "სამეფო კლუბის", არამედ ატლეტიკოს ქომაგი.
ფლორენტინო პერესმა და "ბლანკოსის" ფეხბურთელებმა ესპანელ პოლიტიკოსს სწორედ თავიანთი გუნდის მაისური აჩუქეს. ლუკას ვასკესმა კი მას პირდაპირ ჰკითხა: "ჯერ კიდევ არ ხართ რეალის ქომაგი?", - მადრიდის მერმა უარყოფითი პასუხი გასცა.
ცნობისთვის, მას მაისურის მოსინჯვაც სთხოვეს, რაზეც ასევე უარი მიიღეს.
