საქართველოს ეროვნული ნაკრები 2024 წლის ევროპის ჩემპიონატზე წარმატებით ასპარეზობს, ჯგუფურ ეტაპზე მესამე ადგილი დაიკავა და 1/8 ფინალში გავიდა.
ევრო 2024-ზე მონაწილეობისთვის საქართველოს ნაკრება 9,25 მილიონი ევრო მიიღო, რასაც ჩეხეთთან ფრედ დასრულებული მატჩისთვის 0,5 მილიონი, ხოლო პორტუგალიის დამარცხებისთვის 1 მილიონი ევრო დაემატა. 1/8 ფინალში გასვლისთვის კი, UEFA საქართველოს ნაკრებს დამატებით 1,5 მილიონ ევროს გადასცემს.
ამ ეტაპისთვის, ჯვაროსნებმა ევროპის ჩემპიონატზე 12,25 მილიონი ევრო უკვე გამოიმუშავეს, ხოლო თუ ესპანეთის ნაკრებს დაამარცხებენ და შემდეგ ეტაპზე გავლენ, დამატებით 2,5 მილიონს მიიღებენ.
შეგახსენებთ, რომ საქართველოსა და ესპანეთის მატჩი 30 ივნისს, თბილისის დროით 23:00 საათზე დაიწყება.
