ჩემპიონთა ლიგის დაბრუნებამდე სულ რამდენიმე საათია დარჩენილი. მაყურებელს წინ ინტერი-ბარსელონასა და პსჟ-არსენალის განმეორებითი მატჩები ელოდება.
ბარსელონას ბანაკში კარგი სიახლეებია, რობერტ ლევანდოვსკი ვარჯიშს დაუბრუნდა და ხვალინდელ შეხვედრაში მონაწილეობას 100% მიიღებს. ხოლო რაც შეეხება ინტერს, სიმონე ინძაგი ხვალინდელ დაპირისპირებას კარგ ხასიათზე ხვდება — "ნერაძურის" გუნდის კაპიტანი ლაუტარო მარტინესი დაუბრუნდა!ბოლო მომენტში თუ რაიმე გაუთვალისწინებელი არ მოხდება, არგენტინელი ფორვარდი სამატჩო განაცხადში მოხვდება.
ნახევარფინალური ეტაპის განმეორებითი მატჩი ინტერსა და ბარსელონას შორის 6 მაისს, თბილისის დროით 23:00 საათზე გაიმართება. შეგახსენებთ, პირველი შეხვედრა ფრედ, 3-3 დასრულდა.
