მილანის ინტერისა და ბარსელონას ნახევარფინალური დაპირისპირების შემდეგ (4:3), კომენტარი გააკეთა მასპინძელთა მთავარმა მწვრთნელმა, სიმონე ინძაგიმ. სპეციალისტმა შეაქო, როგორც თავისი გუნდის მოთამაშეები, ისე მეტოქეც, რომელიც მოგებასთან ძალიან ახლოს იყო.
"ბარსელონა ქებას ნამდვილად იმსახურებს. გვყავდა უძლიერესი მოწინააღმდეგე, რომელთანაც უბრალოდ მონსტრული ორი მატჩი ჩავატარეთ. ბედნიერი ვარ, რომ ინტერნაციონალეს დამრიგებელი ვარ და ამ მოთამაშეებთან ვმუშაობ. რა ვუთხარი მათ ძირითადი დროის დასრულების შემდეგ?
ის, რომ უნდა გვქონოდა საკუთარი თავის რწმენა და ცვლილებაზე შემოსული ფეხბურთელები დაგვეხმარებოდნენ. ეს იყო დაუვიწყარი ღამე, ფინალში გასვლა დავიმსახურეთ, კატალონიელებს კი წარმატებას ვუსურვებ."
