ლა ლიგის 28-ე ტურში ბარსელონამ საკუთარ კედლებში მიიღო სევილია, რომელიც ანგარიშით 5:2 გაანადგურა. მასპინძლების მხრიდან ჰეთ-თრიქი გაიფორმა რაფინია ბელოლიმ, ასევე თითო ბურთი ანდალუსიელთა კარში ჟოაუ კანსელუმ და დანი ოლმომ შეაგდეს. კატალონიელები აღნიშნული მოგებით პრიმერაში ლიდერობას იმყარებენ.
70 ქულა და ოთხქულიანი სხვაობა მთავარ კონკურენტ, მადრიდის რეალთან - ასე ასრულებს "ბლაუგრანა" ლა ლიგის 28-ე ტურს. რაც შეეხება შემდეგ მოწინააღმდეგეს, კამპ ნოუს ბინადრებს ელით საპასუხო შეხვედრა შინ ნიუკასლთან ევროსარბიელზე, პრიმერა დივიზიონში კი მეტოქე რაიო ვალეკანო იქნება.
ბარსელონა 5:2 სევილია
გოლები: 1:0, 2:0, 4:1 რაფინია 9', 21', 51', 3:0 დანი ოლმო 38', 3:1 ოსო 45+3, 5:1 ჟოაუ კანსელუ 60', 5:2 ჯიბრილ სოუ 90+2.
