ევროპის 6-გზის ჩემპიონი, საქართველოს U18 მორაგბეთა ნაკრები ტიტულის დაცვას პოლონეთთან მატჩით იწყებს. უმცროსი ბორჯღალოსნები მეოთხედფინალურ შეხვედრას15 ნოემბერს, პრაღასი „მარკეტა სთედიუმზე“ თბილისი დროით, 13:00 საათზე გამართავენ.
18-წლამდელთა ტურნირების ფორმატიდან გამომდინარე სამატჩო განაცხადში 26-ვე მოთამაშე იქნება. გუნდის მთავარმა მწვრთნელმა, ზურაბ ამონაშვილმა უკვე დაასახელა დამწყები 15, რომელთაგან 13-ს, წელს 18-წლამდელთა ნაკრების შემადგენლობაში ექვსი ერის ფესტივალზე, ან სამხრეთ აფრიკის საერთაშორისო სერიაზე უთამაშია.
დამწყებებიდან დებიუტანტები არიან ბურჯი ლუკა ბარბაქაძე და მესამეხაზელი გიორგი ქევანიშვილი. ორი ასეთი მოთამაშეა მარქაფაშიც - იაგო ღუდუშაური და ალექსანდრე გაგუა.
გამარჯვების შემთხვევაში საქართველო ნახევარფინალში ჩეხეთსა და პორტუგალიას შორის გამარჯვებულს 18 ნოემბერს შეერკინება, ხოლო ფინალი 22 ნოემბერსაა ჩანიშნული.
2025 წლის 18-წლამდელთა ევროპის ჩემპიონატი
პრაღა (ჩეხეთი). „მარკეტა სთედიუმი“
1/4-ფინალი. 15 ნოემბერი. 13:00 (საქ. დრო)
საქართველო - პოლონეთი
საქართველო
ხაზი:15. დავით არობელიძე (არმია), 14. ავთანდილ ზვიადაძე (აია), 13. დათა ახვლედიანი (ლელო), 12. ლევან ბუცხრიკიძე (ლელო), 11. ლუკა ტაბატაძე (არმია), 10. გიორგი გაბუნია (ლელო), 9. გოგა უშვერიძე (აია);
შერკინება:1. ლუკა ბარბაქაძე (ხვამლი), 2. ლუკა წიკლაური (ხვამლი), 3. გიორგი ბერძენიშვილი (ტულონი, საფრანგეთი), 4. ანდრია ბილანიშვილი (ლელო), 5. ნიკოლოზ ჩხორთოლია (მონპელიე, საფრანგეთი, კაპ.), 6. გიორგი ზაზაძე (ხარები), 7. გიორგი ქევანიშვილი (აია), 8. მათე ბერუაშვილი (ლოკომოტივი).
მარქაფა:16. გოჩა ფიცხელაური (ყაზბეგი), 17. საბა მშვილდაძე (აია), 18. იაგო ღუდუშაური (ლოკომოტივი), 19. საბა გიორგიძე (ლელო), 20. ლუკა შულაია (ლელო); 21. ალექსანდრე გაგუა (ხვამლი), 22. მათე მახარაძე (ბათუმი), 23. გიორგი კეკელია (ლოკომოტივი), 24. გიორგი მუშკუდიანი (აია), 25. ლუკა ჭაკუა (ლელო), 26. გიორგი არძენაძე (ფოთი)
მთავარი მწვრთნელი:ზურაბ ამონაშვილი
