საქართველოს მორაგბეთა U20 ნაკრები იტალიაში მიმდინარე მსოფლიო რაგბის 20-წლამდელთა ჩემპიონატზე დასკვნით მატჩში, მე-9 ადგილისთვისშოტლანდიას დაუპირისპირდება.
თამაში კალვიზანოში, „სტადიო სან მიხელიზე“ თბილისის დროით, 22:30 საათზე დაიწყება.
საქართველომ მე-9 ადგილის ნახევარფინალში ესპანეთი 43:12 დაამარცხა. შოტლანდიამ კი მე-9 ადგილის ნახევარფინალში ირლანდიას 22:21 მოუგო.
უმცროსი ბორჯღალსონების მთავარმა მწვრთნელმა, ლადო კილასონიამ შოტლანდიასთან თამაშისთვის 23-კაციან განაცხადში რამდენიმე მოთამაშე შეცვალა. წლევანდელ მსოფლიო თასზე დებიუტი ექნება ფრთა გიორგი ბოლქვაძეს. მგეზავის პოზიციაზე ბრუნდება თემურ ძოძუაშვილი. ხაზის დანარჩენმა მოთამაშეებმა პოზიციები შეინარჩუნეს - 9 ნომერი გიორგი სპანდერაშვილი იქნება, ცენტრში ნუგზარ ქევხიშვილი და დათა ახვლედიანი შეწყვილდებიან, ფულბეკად ლუკა თაყაიშვილს, ხოლო მეორე ფრთად ლუკა კეშელავას ვიხილავთ.
2025 წლის მსოფლიო რაგბის 20-წლამდელთა ჩემპიონატი
IX ადგილისთვის. 19 ივლისი
კალვიზანო (იტალია), „სტადიო სან მიხელი“ 22:30
საქართველო - შოტლანდია
საქართველო
ხაზი:15. ლუკა თაყაიშვილი (ხვამლი), 14. გიორგი ბოლქვაძე (ლელო), 13. დათა ახვლედიანი (ლელო), 12. ნუგზარ ქევხიშვილი (ლელო), 11. ლუკა კეშელავა (არმია), 10. თემურ ძოძუაშვილი (აია), 9. გიორგი სპანდერაშვილი (შავი ლომი);
შერკინება:1. გიორგი ტურაშვილი (იფსვიჩი), 2. შოთა ხელაძე (ლელო, კაპ.), 3. მათე ღურწკაია (კასტრი), 4. დავით ბარამია (ტულონი), 5. გაგი მარგველაშვილი (რასინგი), 6. ნიკა აბესაძე (ლელო), 7. ლუკა ნარსია (აია), 8. მიხეილ შიოშვილი (ტულონი).
მარქაფა:16. დავით არჩვაძე (ლელო), 17. გიორგი მესხიძე (პერპინიანი), 18. გიორგი ძაგანია (ნარბონი), 19. ნიკოლოზ ჩხორთოლია (მონპელიე), 20. გიორგი არძენაძე (ბათუმი); 21. დაჩი წიკლაური (ხვამლი), 22. გიგი სირბილაძე (ლელო), 23. სანდრო მესხიძე (არმია).
