მსოფლიო რაგბიმ 2024 წლის 20-წლამდელთა ჩემპიონატის განრიგი გამოაქვეყნა. უკვე ცნობილია უმცროსი ბორჯღალოსნების მეტოქეების ვინაობა.
აღნიშნულ ტურნირზე საქართველოს ნაკრები B ჯგუფში იასპარეზებს, სადაც ირლანდიის, ავსტრალიისა და იტალიის 20-წლამდელთა ნაკრებებს დაუპირისპირდება.
ჯგუფური ეტაპი:
A ჯგუფი: საფრანგეთი, უელსი, ახალი ზელანდია, ესპანეთი;
B ჯგუფი: ირლანდია, ავსტრალია, საქართველო, იტალია;
C ჯგუფი: სამხრეთ აფრიკა, ინგლისი, არგენტინა, ფიჯი;
ტურნირი სამხრეთ აფრიკაში, 29 ივნისს, აიღებს სტარტს და 19 ივლისს დასრულდება. ტრადიციულად, ჯგუფების გამარჯვებულები და საუკეთესო მეორეადგილოსანი 1/2 ფინალში გავლენ და თასისთვის გააგრძელებენ ბრძოლას. 2 მეორეადგილოსანი და საუკეთესო 2 მესამეადგილოსანი V-VIII ადგილებისთვის იბრძოლებენ, ხოლო დარჩენილი 4 გუნდი - IX-XII ადგილისთვის შეხვდებიან ერთმანეთს.
წინა ტურნირზე საქართველოს ნაკრებმა ჯგუფში 2 თამაში მოიგო და მე-2 ადგილზე გავიდა. საბოლოოდ კი ჩემპიონატი მე-8 ადგილზე დაასრულა.
რაგბის 20 წლამდელთა მსოფლიო ჩემპიონატზე საქართველოს ნაკრების მეტოქეები ცნობილია
