რაჰიმ სტერლინგმა ჩემპიონთა ლიგაზე რეკორდი დაამყარა

ჩემპიონთა ლიგის 2024/25 წლების სეზონის პირველ ტურში, ლონდონის არსენალი ატალანტას ესტუმრა — მატჩი უგოლოდ, 0:0 დასრულდა.

აღნიშნულ შეხვედრაში 73-ე წუთზე სათადარიგოთა სკამიდან ჩაერთო "მეთოფეების" ახალწვეული, რაჰიმ სტერლინგი და ტურნირის რეკორდიც დაამყარა.

რაჰიმ სტერლინგი გახდა პირველი ფეხბურთელი, რომელმაც ჩემპიონთა ლიგაზე 4 სხვადასხვა ინგლისური კლუბის მაისურით ითამაშა — აქამდე, აღნიშნული მიღწევა, 3 მატჩით, დევიდ ბეტის, იოსი ბენაიუნს, უილიამს გალასსა და კოლო ტურეს ეკუთვნოდათ.

არსენალამდე, რაჰიმ სტერლინგს სხვადასხვა დროს ევროპის ყველაზე პრესტიჟულ საკლუბო ტურნირზე მონაწილეობა ლივერპულის, მანჩესტერ სიტისა და ჩელსის მაისურებითაც ჰქონდა მიღებული. 29 წლის ინგლისელის ანგარიშზე ჩემპიონთა ლიგის 83 მატჩში გატანილი 27 გოლი და 17 შესრულებული საგოლე გადაცემაა.