სერია ა-ს გასულ ტურში სასუოლოს კარის აღებით ლაუტარო მარტინესს მილანის ინტერის მაისურით 171 გოლი დაუგროვდა. ამ შედეგით, არგენტინელი ფორვარდი "ნერაძურის" ყველა დროის საუკეთესო გოლეადორთა სიის სამეულში შევიდა. მასზე წინ ჯუზეპე მეაცა (287 ბურთი) და ალესანდრო ალტობელი (209 ბურთი) არიან.
როგორც ვხედავთ, მეორე ადგილზე გადასასვლელად კრისტიან კივუს გუნდის ამჟამინდელ კაპიტანს სჭირდება 39 გოლის გატანა, რაც არარეალური ნამდვილად არ არის. რაც შეეხება ახალი რეკორდის დამყარების შესაძლებლობას, ლეგენდარული იტალიელი ფორვარდის გადასასწრებად ინტერნაციონალეს მე-10 ნომერს კიდევ 117 ბურთის გატანა მოუწევს.
"ელ ტორო" არ ჩქარობს მილანური გუნდიდან წასვლას და ის მხოლოდ 28 წლის არის, აქედან გამომდინარე, არც პირველ ადგილზე გადასვლა ჩანს რეალობას მოკლებული. ვნახოთ, რომელ პოზიციაზე აღმოჩნდება ლაუტარო "ნერაძურიში" გატარებული კარიერის ბოლოს.
ინტერის ყველა დროის საუკეთესო ბომბარდირები
| ჯუზეპე მეაცა | 287 გოლი |
| ალესანდრო ალტობელი | 209 გოლი |
| ლაუტარო მარტინესი | 171 გოლი |
| რობერტო ბონინსიენა | 171 გოლი |
| სანდრო მაცოლა | 160 გოლი |
