მსოფლიო საკლუბო ჩემპიონატზე ლიონელ მესიმ თავის კარიერაში 68-ე ჯარიმა გაიტანა. ინტერ მაიამისა და პორტუს შორის იყო 1:1, როდესაც არგენტინელმა ფლეიმეიქერმა მორიგი შედევრი შემოგვთავაზა. საინტერესოა, რომ საჯარიმო დარტყმებით გატანილი გოლების მაჩვენებლით, ფლორიდელთა კაპიტანს მხოლოდ 2 მოთამაშე უსწრებს.
საუბარია ჟუნინიო პერნამბუკანოსა (77) და ედსონ არანტეს დო ნასიმენტო პელეს (70) შესახებ. როგორც ვხედავთ, ახალ აბსოლუტურ რეკორდამდე 37 წლის ფლეიმეიქერს კიდევ 10 ჯარიმის გატანა სჭირდება. ქვემოთ შეგიძლიათ იხილოთ საუკეთესო მეგოლეების სია.
ფეხბურთელები, რომლებმაც ჯარიმიდან ყველაზე მეტი გოლი გაიტანეს
| ფეხბურთელი | გოლები ჯარიმით |
| ჟუნინიო პერნამბუკანო | 77 |
| ედსონ არანტეს დო ნასიმენტო პელე | 70 |
| ლიონელ მესი | 68 |
| რონალდინიო გაუჩო | 66 |
| ვიქტორ ლეგროტალიე | 66 |
| დევიდ ბექჰემი | 65 |
| კრიშტიანუ რონალდუ | 64 |
| დიეგო მარადონა | 62 |
| არტურ ზიკო | 62 |
| რონალდ კუმანი | 60 |









