ბირმინგემის ასტონ ვილასთან მატჩში ბრუნო ფერნანდეშმა თავის ანგარიშზე გაიფორმა მორიგი საგოლე გადაცემა, ჯამში მე-16 პრემიერ ლიგის მიმდინარე სეზონში. პორტუგალიელმა ფლეიმეიქერმა უკვე მოხსნა დევიდ ბექჰემის 1999/00-ის სეზონში დამყარებული რეკორდი (15 ასისტი), რაც გულისხმობდა ყველაზე მეტ ასისტს მანჩესტერ იუნაიტედის მოთამაშის მხრიდან 1 სეზონში.
რაც შეეხება ზოგადად პრემიერ ლიგის რეკორდს ერთ სეზონში, ყველაზე მეტი საგოლე გადაცემა არის ტიერი ანრისა და კევინ დე ბრუინის ანგარიშზე. ფრანგმა ექს-ფორვარდმა 2002/03-ის სეზონში გააკეთა 20 ასისტი, 2019/20-ში კი მისი მიღწევა როგორც აღვნიშნეთ, ბელგიელმა ფლეიმეიქერმაც გაიმეორა.
"წითელი ეშმაკების" კაპიტანს ამ სეზონის ბოლომდე სჭირდება კიდევ ხუთი საგოლე გადაცემის განხორციელება პრემიერ ლიგაში ახალი რეკორდის დასამყარებლად. 31 წლის ფლეიმეიქერს არსენალისა და მანჩესტერ სიტის ლეგენდების დასაჩრდილად 8 შეხვედრა აქვს დარჩენილი.
ყველაზე მეტი საგოლე გადაცემა პრემიერ ლიგის ერთ სეზონში
| ტიერი ანრი | 20 | 2002/2003 |
| კევინ დე ბრუინი | 20 | 2019/2020 |
| ფრენკ ლამპარდი | 18 | 2004/2005 |
| სესკ ფაბრეგასი | 18 | 2014/2015 |
| მესუთ იოზილი | 18 | 2015/2016 |
| მოჰამედ სალაჰი | 18 | 2024/2025 |
| კევინ დე ბრუინი | 18 | 2016/2017 |
| სესკ ფაბრეგასი | 17 | 2007/2008 |
| ბრუნო ფერნანდეში | 16 | 2025/2026 |
