"გული მწყდება, იმაზე, რომ რომასთან ერთად სკუდეტოს მოპოვება ვერ მოვახერხე. ჩემი ნება რომ იყოს, ლესტერის ჩემპიონობასაც კი დავთმობდი საამისოდ. როგორ მოხდა "მელიებთან" ერთად ის სასწაული? - როდესაც მივედი, გუნდი გავარდნის პირას იყო, რის შემდეგაც რამდენიმე ცვლილება განვახორციელე.
დავნერგე ტაქტიკა 4-4-2 და დავტვირთე კანტე, რომელიც იმ გუნდის ნამდვილი მამოძრავებელი ძალა იყო. მას ყველაფერი შეეძლო", - განაცხადა "ლურჯების" ყოფილმა დამრიგებელმა.
შეგახსენებთ, რომ 72 წლის ყოფილი სპეციალისტი დაბადებულია რომში, საფეხბურთო კარიერა მან დაიწყო სწორედ "მგლებში" და ის ამ გუნდის ქომაგიც არის.
2009-2011 და 2019 წლებში რანიერი მუშაობდა სწორედ "ჯალორისიში", თუმცა ტიტულების მოპოვება მან ვერ მოახერხა. მისმა საყვარელმა გუნდმა უკანასკნელი სკუდეტო 2001 წელს მოიგო, ფაბიო კაპელოს ხელმძღვანელობით, თავად იტალიელი ტაქტიკოსი იმ დროს ლონდონის ჩელსიში მუშაობდა.
