RMC Sport-ის ჟურნალისტმა, საშა ტავოლიერიმ გიორგი მიქაუტაძის შესახებ საინტერესო ინფორმაცია გაავრცელა. საიდუმლო არ არის, რომ ქართველ ფორვარდს სატრანსფერო ბაზარზე არ აკლია მსურველები და ერთ-ერთი ასეთი კლუბი იყო პარის სენ-ჟერმენის მეზობელი პარიზი, რომელიც მომავალ სეზონში საფრანგეთის უმაღლეს დივიზიონში პირველად ითამაშებს.
"ლე ბლომ" სატრანსფერო ბაზარზე უკვე დაიმატა რამდენიმე ფეხბურთელი, თუმცა უმეტესწილად მცველები და რაც შეეხება თავდასხმას, ერთ-ერთი მთავარი სამიზნე სწორედ ლიონის ფორვარდი იყო. ფრანგი ჟურნალისტის მტკიცებით, "ლურჯებმა" მის კლუბს ოფიციალური წინადადებითაც მიმართეს.
აღსანიშნავია ის ფაქტი, რომ მოლაპარაკებები ჩაიშალა მალევე, რადგან ბერნარ არნოს კლუბმა ჩათვალა, 24 წლის თავდამსხმელი ზედმეტად ძვირი ღირდა. როგორც ცნობილია, "ლომები" თავიანთი 69-ე ნომრის სანაცვლოდ ითხოვდნენ მინიმუმ 30 მილიონ ევროს, რაც ჟან-ბეუს ბინადრებისთვის მიუღებელი გამოდგა.
