"რატომ შევცვალე კვარაცხელია?" - ნაპოლის მწვრთნელის კომენტარი

ბარსელონასთან გამართული მატჩის შემდეგ, რომელიც ფრედ, 1:1 დასრულდა, კომენტარი ნაპოლის ახალმა მთავარმა მწვრთნელმა ფრანჩესკო კალცონამ გააკეთა.

ჩემპიონთა ლიგის მატჩში, კალცონამ ხვიჩა კვარაცხელია მოედნიდან ნაადრევად გაიყვანა, რაზეც კრიტიკა დაიმსახურა. კალცონამ ამ გადაწყვეტილების მიზეზებზე ისაუბრა.

"რატომ შევცვალე კვარაცხელია? მოედანზე ვტოვებ იმ ფეხბურთელებს, რომლებიც კარგად თამაშობენ და ბევრს მუშაობენ.

მაგალითად, პოლიტანომ დიდი სამუშაო გასწია როგორც დაცვაში, ისე შეტევაში და ლოგიკურია, რომ ბოლო წუთებში ის მოთამაშეები დავტოვე, რომლებიც კარგად გამოიყურებოდნენ. მოხარული ვარ, რომ შეტევაში დიდი არჩევანი მაქვს.

კვარაცხელია ტოპ ფეხბურთელია და არასდროს დაგვავიწყდება, რაც მან გასულ წელს გუნდისთვის გააკეთა", - განაცხადა კალცონამ.