Telegraph-მა ხვიჩა კვარაცხელიას ნიუკასლ იუნაიტედში ჩაშლილი ტრანსფერი გაიხსენა. საუბარია 2023 წლის ზაფხულზე, როდესაც ახალგაზრდა ქართველი ვინგერი თამაშობდა ნაპოლიში და იტალიის ლიგის მოქმედი ჩემპიონიც იყო. ის რეალურად ფიგურირებდა "ჯორდების" სატრანსფერო სიაში, მაგრამ კლუბმა არჩევანი სხვა მოთამაშეზე შეარჩია.
როგორც ცნობილი ხდება, "პარტენოპეიმ" თავისი იმდროინდელი ლიდერი შეაფასა 80 - 100 მილიონ ევროდ, რაც "კაჭკაჭებისთვის" მიუღებელი თანხა გამოდგა. ამის გარდა, სენტ ჯეიმს პარკის ბინადრები ფიქრობდნენ რისკ ფაქტორზე, შეძლებდა, თუ არა "აძურის" 77-ე ნომერი ინგლისის ჩემპიონატში ათამაშებას.
საბოლოოდ ყველაფერი დასრულდა იმით, რომ ედი ჰაუს გუნდმა უარი თქვა კვარაცხელიას ტრანსფერზე და მის ნაცვლად ენტონი გორდონი გაიფორმა. ქართველი ვინგერი დარჩა მარადონაზე, მაგრამ 1.5 წლის შემდეგ, ის პარის სენ-ჟერმენში გადავიდა.
