ლონდონის ჩელსის ყოფილმა მცველმა, ფრანკ ლებეფმა მადრიდის რეალზე ისაუბრა. ვეტერანმა ფეხბურთელმა აღნიშნა, რომ კილიან მბაპესთან, ვინისიუს ჟუნიორსა და ჯუდ ბელინგემთან ერთად, "სამეფო კლუბი" ტიტულებს ვერ მოიგებს. ფრანგმა ყოფილმა უკანახაზელმა ბერნაბეუზე არსებული ამჟამინდელი სიტუაცია 2000-იანი წლების "გალაქტიკოს" პერიოდს შეადარა.
"ის, რაც ხდება რეალში ახლა, მაგონებს 2000-იანი წლების "გალაქტიკოს" პერიოდს, როდესაც მათ ერთ გუნდში ზიდანი, რონალდო და ბექჰემი ჰყავდათ. მადრიდი ვერ იგებდა ტიტულებს, რადგან ამდენ სუპერვარსკვლავთან ერთად, ეს შეუძლებელი იყო. როცა გყავს ერთი ვარსკვლავი, ეს უკვე პრობლემა არის.
ორი ვარსკვლავით წარმატების მიღწევა არის წარმოუდგენელი, სამით კი უბრალოდ ფანტასტიკის სფერო. დღეს, "სამეფო კლუბში" არის მსგავსი სიტუაცია, მთავარ როლებში კი მბაპე, ვინისიუსი და ბელინგემი არიან. მათ გარშემო თამაშის აშენება, ნებისმიერი დამრიგებლისთვის ურთულესი იქნება."
