დღეს, პარიზში ოქროს ბურთის დაჯილდოების ცერემონია გაიმართება, რომლის მოგების მთავარი ფავორიტი პსჟ-ს ფრანგი შემტევი უსმან დემბელეა.
იმის გამო, რომ პსჟ-ს მარსელთან გასვლითი მატჩი უწევს, ამ გუნდის ფეხბურთელების გეგმები შეიცვალა და დაჯილდოების ცერემონიას ვერ დაესწრებიან.
მხოლოდ 3 ფეხბურთელია, ვინც პსჟ-დან დაჯილდოებაზე იქნება - ფავორიტი დემბელე, დეზირე დუე და ჟოაო ნევეში, რომელთაც ტრავმა აქვთ და პარიზში იმყოფებიან.
დემბელემ ოჯახისთვის და მეგობრებისთვის 50-მდე მოსაწვევი მოითხოვა, თუმცა შეზღუდული რაოდენობის გამო, მხოლოდ ოჯახის და აგენტის წაყვანა უწევს.
სამაგიეროდ, 20 მოსაწვევი მიიღო იამალმა. იამალის გარდა, ცერემონიას ბარსელონას ყველა ნომინანტი ფეხბურთელი დაესწრება.
როგორც მოსალოდნელი იყო, ოქროს ბურთს მადრიდის რეალის არცერთი წარმომადგენელი არ დაესწრება. გასული წლის სკანდალის გამო, მათ ბოიკოტი აქვთ გამოცხადებული. 1 წლის წინ, ყველამ იცოდა, რომ ოქროს ბურთს ვინისიუსი იგებდა, თუმცა გადაწყვეტილება შეიცვალა და მისი მფლობელი როდრი გახდა.
გამარჯვებულს ოქროს ბურთს ლეგენდარული რონალდინიო გადასცემს, რომელიც უკვე პარიზში იმყოფება.
