ბოლო პერიოდში საკმაოდ აქტუალური თემაა როდრი ერნანდესის მადრიდის რეალში გადასვლა. შეგახსენებთ, ცოტა ხნის წინ, ოქროს ბურთის მფლობელმა ესპანელმა შუახაზელმა აღნიშნა, რომ "სამეფო კლუბისთვის" უარის თქმა რთული იქნება. აღნიშნულ ფაქტს პეპ გუარდიოლა გამოეხმაურა.
"არ არსებობს ფეხბურთელი, ვინც რეალში თამაშზე უარს იტყვის. როდრისი მესმის, ის დაიბადა ესპანეთში, ყველაფერი გასაგებია. ჩემი სურვილია ერნანდესის სიტიში დარჩენა, რაც შეიძლება დიდი ხნით. ის ბრწყინვალე მოთამაშეა. ვიცი, კლუბი მის შენარჩუნებას მიზნად ისახავს.
იმედი მაქვს, ესპანელი ნახევარმცველი მართლაც დარჩება. პოზიტიურად ვარ განწყობილი, თუმცა საბოლოო ჯამში, არ ვიცი. ჩელსისა და ენცოს სიტუაცია? ეს ლონდონელთა საქმეა, მე არ მეხება და ვერაფერს ვიტყვი", - განაცხადა მანჩესტერელთა დამრიგებელმა.
