მანჩესტერ იუნაიტედმა და ოლიმპიკ ლიონმა ევროპა ლიგის მეოთხედფინალის განმეორებით მატჩში სეზონის ერთ-ერთი ყველაზე დასამახსოვრებელი სანახაობა შემოგვთავაზეს. შეგახსენებთ, რომ "წითელმა ეშმაკებმა" რონელებს მოუგეს ანგარიშით 5:4, რითაც 1/2 ფინალის საგზური გაიფორმეს.
აღნიშნული მატჩი განსაკუთრებული გამოდგა კიდევ იმით, რომ "მანკუნიანელებმა" და "ლომებმა" ევროპა ლიგის ახალი რეკორდი დაწერეს. პირველად ამ ტურნირის ფარგლებში მაყურებელმა ერთ შეხვედრაში 9 გატანილი ბურთი იხილა. აქამდე რეკორდად ითვლებოდა 8 გოლი, მაგრამ ასეთი შედეგით სხვადასხვა დროს 10 თამაში დასრულდა.
ცხრაბურთიანი სანახაობა კი ევროპა ლიგის ისტორიაში აქამდე არასდროს ყოფილა. ისტორიული მატჩის მონაწილე იყო გიორგი მიქაუტაძეც, რომელსაც "ოცნებათა თეატრის" ბინადრების კარის აღების 1 მცდელობა ჰქონდა. ქართველმა ფორვარდმა მოედანზე გაატარა 64 წუთი, რის შემდეგაც ის მალიკ ფოფანამ შეცვალა.
