ვეტერანმა ბრაზილიელმა ფეხბურთელმა მაქსველმა, რომელიც წლების განმავლობაში პსჟ-ს რიგებში თამაშობდა, მისთვის საუკეთესო მარცხენა მცველად ამავე გუნდის ერთ-ერთი ლიდერი ნუნო მენდეში დაასახელა.
"ნუნო მენდეშის თამაშის სტილი ძალიან მიყვარს, ძალიან კარგად ვიცი, რა მოთხოვნილებებს უნდა აკმაყოფილებდეს მისი პოზიციის ფეხბურთელი და მენდეში თანამედროვე სტანდარტებში იდეალურად ჯდება.
ის ფიზიკურ ასპექტში რობერტო კარლოსს ჰგავს, დაცვაში უკეთ თამაშობს და მარსელოზე მეტი ძალა აქვს, თუმცა ნაკლებად ტექნიკურია.
მათთან შედარება რთულია, თუმცა რამდენიმე ასპექტში მენდეში მართლაც გამორჩეულია. განაპირა მცველებიდან მხოლოდ დანი ალვეში და ლამი მახსენდება, რომელთაც ფლანგიდან შუაში შემოწევა და თამაშის გამწვავება შეეძლოთ, ასეთია მენდეშიც", - განაცხადა მაქსველმა.
