"ტრავმა არ მაქვს, უბრალოდ ფიზიკური მომზადების პროცესში ვარ და თბილისის გრანდ სლემზე საჭიდაოდ ბოლომდე მზად არ ვიყავი. ჩემთვის მთავარი პრიორიტეტი ივნისში გასამართი მსოფლიო ჩემპიონატია და არ მინდა, რომ რამემ ხელი შემიშალოს მომზადების პროცესში. ვფიქრობ, რომ სტარტი ევროპის ჩემპიონატზე მექნება და ჩემს სრულ ძალებს უკვე ივნისში, მსოფლიო ჩემპიონატზე იხილავთ" — ლაშა ბექაური.
შეგახსენებთ, რომ პარიზის ოლიმპიურ თამაშებზე მოპოვებული ოქროს მედლის შემდეგ, ლაშა ბექაურს არცერთ ტურნირზე არ უასპარეზია. 2025 წლის ევროპის ჩემპიონატი მონტენეგროს დედაქალაქ პოდგორიცაში 23-26 აპრილს გაიმართება, ხოლო მსოფლიო ჩემპიონატს უნგრეთის დედაქალაქი ბუდაპეშტი 13-19 ივნისს უმასპინძლებს.
ფოტო: IJF
