მსოფლიო საკლუბო ჩემპიონატის 1/8 ფინალში გაიმართება საინტერესო დაპირისპირება პსჟ-სა და ინტერ მაიამის შორის.
მატჩის წინ კომენტარი მსოფლიოს გამორჩეულმა მარცხენა მცველმა ნუნო მენდეშმა გააკეთა, რომელსაც კითხვა ლეო მესიზე დაუსვეს.
"როგორ უნდა შევაჩერო მესი? - ამაზე პასუხი რომ მქონდეს, ამ პასუხს გავყიდიდი და ახლა მილიარდელი ვიქნებოდი", - განაცხადა მენდეშმა.
პორტუგალიელმა მცველმა პსჟ-ს წარმატებაში უდიდესი წვლილი შეიტანა და გასულ სეზონში თავის პოზიციაზე საუკეთესო იყო.
