როგორც მოგეხსენებათ, ჩემპიონთა ლიგის მერვედფინალის პირველ მატჩებში პრემიერ ლიგის ვერცერთმა გუნდმა ვერ იმარჯვა. ლივერპულმა წააგო გალათასარაისთან, მანჩესტერ სიტი, ჩელსი და ტოტენჰემი განადგურდნენ რეალთან, პარის სენ-ჟერმენსა და ატლეტიკოსთან, არსენალმა და ნიუკასლმა კი ითამაშეს ფრე ბარსელონასა და ლევერკუზენთან.
გამარჯვებასთან ყველაზე ახლოს იყვნენ "კაჭკაჭები", თუმცა კატალონიური გუნდის მიერ 96-ე წუთზე გატანილმა პენალტმა ყველაფერი თავდაყირა დააყენა. რაც შეეხება საპასუხო შეხვედრებს, 4 ინგლისური კლუბის 1/4 ფინალში გასვლის შანსები საკმაოდ მცირედ არის შეფასებული.
საუბარია "ქალაქელებზე" (21%), "არისტოკრატებზე" (10%), "მამლებსა" (8%) და "ჯორდებზე" (28%). მერსისაიდული გუნდის მეოთხედფინალში მოხვედრა შეფასებულია 68%-ით, იმის გათვალისწინებით, რომ ინგლისის მოქმედმა ჩემპიონმა სტამბოლში წააგო მინიმალურად, საპასუხო შეხვედრა კი შინ იქნება.
ბოლოს კი "მეთოფეებიც" (81 პროცენტი), რომლებმაც ბაიერთან გასვლით მატჩში ფრე ითამაშეს. ცხადია, გარკვეული ჯერ არაფერია და მეოთხედფინალში გასვლის შანსს ინარჩუნებს ყველა, მაგრამ საფეხბურთო წრეებში უკვე წარმოიდგინეს, თუ როგორი იქნება ევროპის მთავარი საკლუბო ტურნირის შემდეგი სტადია ინგლისის წარმომადგენლების გარეშე.
ჩემპიონთა ლიგის 1/4 ფინალი, პრემიერ ლიგის გუნდების გარეშე
| რეალი - ბაიერნი/ატალანტა |
| ბარსელონა - ატლეტიკო |
| პსჟ - გალათასარაი |
| ლევერკუზენი - სპორტინგი/ბოდო გლიმტი |
ჩემპიონთა ლიგის 1/4 ფინალი, პრემიერ ლიგის გუნდებთან ერთად
| რეალი/მანჩესტერ სიტი - ბაიერნი/ატალანტა |
| ბარსელონა/ნიუკასლი - ატლეტიკო/ტოტენჰემი |
| ჩელსი/პსჟ - ლივერპული/გალათასარაი |
| არსენალი/ლევერკუზენი - სპორტინგი/ბოდო გლიმტი |
