15 ნოემბერს, მსოფლიო ჩემპიონატის საკვალიფიკაციო ეტაპზე საქართველოს ნაკრები ესპანეთს დაუპირისპირდება.
სამწუხაროდ, გამოძახებული ფეხბურთელებიდან ორი მოთამაშე გამოგვაკლდა - ოთარ კაკაბაძე და ჟორჟ მიქაუტაძე ტრავმის გამო დაგვაკლდებიან. ესპანეთთან მატჩში დისკვალიფიკაციის გამო გიორგი ქოჩორაშვილი ვერ ითამაშებს.
ასეთი იქნება საქართველოს ნაკრების ძირითადი შემადგენლობა ჩვენი ვერსიით.
გიორგი მამარდაშვილი: ამ სანაკრებო პაუზას მამარდაშვილი კარგ განწყობაზე ხვდება. ის ლივერპულის სასტარტოს წევრია და გასულ ტურში ერლინგ ჰოლანდს პენალტი აუღო. მიუხედავად ლივერპულის ცუდი სერიისა, მამარდაშვილს ინგლისში კარგი მატჩები მაინც დაუგროვდა.
გურამ კაშია: საქართველოს ნაკრების კაპიტნისთვის შესაძლოა ეს ერთ-ერთი ბოლო მატჩები იყოს ნაკრების მაისურით. მიუხედავად ასაკისა და არც თუ ისე კარგი ფორმისა, სანიოლი მას ენდობა.
ლუკა ლოჩოშვილი: მარცხენა ცენტრალურ მცველად ლოჩოშვილი ჯერჯერობით შეუცვლელია. მას შემდეგ, რაც სანიოლი ნაკრების მწვრთნელია, ძირითად შემთხვევაში, დაცვის მარცხენა ფლანგზე ყოველთვის ლოჩოშვილს მოიზარებს და გამონაკლისი არც ეს შეკრება უნდა იყოს.
საბა გოგლიჩიძე: ბოლო ორი მატჩი გოგლიჩიძე უდინეზეს რიგებში სათადარიგოთა სკამზე იყო, იქამდე კი სულ 90 წუთს თამაშობდა და 3-5-2 ტაქტიკაში მარჯვენა ცენტრალურ მცველად გოგლიჩიძის დაყენება იდეალური ვარიანტია.
გიორგი წიტაიშვილი: ამ შეკრებაზე სანიოლი მარცხენა ფლანგზე გოჩოლეიშვილს მოიაზრებდა, თუმცა კაკაბაძის ტრავმის შემდეგ, სიტუაცია შეიცვალა. გოჩოლეიშვილი თავის ჩვეულ, მარჯვენა ფლანგზე უნდა ველოდოთ, მარცხნივ კი წიტაიშვილის გარდა, ალტერნატივა არ გვყავს, რადგან 25-კაციან სიაში ნომინალური მარცხენა მცველის არ გვყავს.
გიორგი გოჩოლეიშვილი: სეზონის არც თუ ისე წარმატებული სტარტის შემდეგ, გოჩოლეიშვილი კარგ ფორმაში შევიდა, ჰამბურგის ძირითადის ფეხბურთელად იქცა და გუნდის ბოლოდროინდელ კარგ შედეგებზე დიდი წვლილი შეიტანა.
ანზორ მექვაბიშვილი: ბოლო პერიოდში, ფრანგი სპეციალისტი მექვაბიშვილს ხშირად აყენებს ძირითადში, რადგან ცენტრში ის შავ სამუშაოს ასრულებს და დაზღვევებზე ბრწყინვალედ თამაშობს.
ნოდარ ლომინაძე: ქოჩორაშვილის დისკვალიფიკაციის და გაგნიძის ტრავმის შემდეგ, ლომინაძეს შანსი აქვს, რომ ეროვნულ ნაკრებში თავი გამოიჩინოს და გულშემატკივარს თავი კიდევ ერთხელ დაამახსოვროს.
ოთარ კიტეიშვილი: ერთ-ერთი ფეხბურთელი, რომელიც ნაკრების 11-ეულში შეუცვლელია, სწორედ კიტეიშვილია. ჩვენი ნარების ხერხემალი, რომელიც ამ სეზონშიც კარგ ფორმაშია და შტურმს ლიდერობს.
ხვიჩა კვარაცხელია: სასიამოვნოა, რომ ნაკრების მთავარი ლიდერი ამ შეკრებას კარგ განწყობაზე ხვდება, საფრანგეთის ჩემპიონატის გასულ ტურში ლიონის კარი აიღო და ახლა სანაკრებო გოლებისთვის ემზადება.
ბუდუ ზივზივაძე: მიქაუტაძის არყოფნაში, ძირითადში სწორედ ბუდუს უნდა ველოდოთ, რომელსაც იდეალური შანსი აქვს, რომ თავისი შესაძლებლობები დაამტკიცოს. ბუდუმ ცოტა ხნის წინ ბუნდელსლიგაშიც გაიტანა და მძიმე მარცხის მიუხედავად, ლევერკუზენთანაც სასტარტოში იყო.
საქართველოს ნაკრების სავარაუდო 11-ეული
