11 ოქტომბერს, საქართველოს ნაკრები მსოფლიო ჩემპიონატის საკვალიფიკაციო ეტაპის მატჩს სტუმრად ესპანეთის წინააღმდეგ ჩაატარებს.
ვილი სანიოლის გუნდი ესპანეთში უკვე შეიკრიბა და ამ მნიშვნელოვანი მატჩისთვის მზადება დაიწყო.
საინტერესოა, როგორი იქნება საქართველოს ნაკრების 11-ეული ესპანეთთან მატჩში
გიორგი მამარდაშვილი: სასიხარულოა, რომ მამარდაშვილს სანაკრებო პაუზის წინ სათამაშო პრაქტიკა ექნება. ალისონის ტრავმის შემდეგ, მამარდა ლივერპულის ძირითადის მეკარე გახდა და მიუხედავად მარცხისა, ჩელსის წინააღმდეგ მას კარგი მატჩი ჰქონდა.
ოთარ კაკაბაძე: უკვე ტრადიციად იქცა, რომ კაკაბაძე სანაკრებო შეკრებას გოლით ხვდება. კრაიკოვიას მაისურით მან პოლონეთის ჩემპიონატის გასულ ტურში გაიტანა და სანაკრებო მატჩისთვის სრულ მზადყოფნაშია
საბა გოგლიჩიძე: ასევე სასიხარულოა, რომ გოგლიჩიძე იტალიის ჩემპიონატის გასულ ტურში სასტარტო შემადგენლობაში იყო. უდინეზეში ის ძირითადად სათადარიგოთა სკამზეა ხოლმე და თავისი შანსი კარგად გამოიყენა.
ლაშა დვალი: დიდი ხნის განმავლობაში, დვალი უკლუბოდ იყო, რიც გამოც წინა სანაკრებო შეკრება გამოტოვა. დვალი ცსკა სოფიას ძირითადის ფეხბურთელის წევრი გახდა და როგორც მოსალოდნელი იყო, ნაკრებს დაუბრუნდა.
ირაკლი აზაროვი: გასული სეზონის მსგავსაც, წელსაც აზაროვს გარდამავალი პერიოდი აქვს. ის შახტარის სასტარტოში ხან ხვდება, ხან ვერა, თუმცა მარცხენა მცველის პოზიციაზე ამჟამად შეუცვლელი ფიგურაა. სანიოლი მარცხენა მცველად ლუკა ლოჩოშვილს მოიაზრებს ხოლმე, რომელიც ესპანეთთან მატჩისთვის დისკვალიფიცირებულია.
ნიკა გაგნიძე: წინა სანაკრებო შეკრებაზე გაგნიძემ იმდენად კარგი შთაბეჭდილება დატოვა, რომ სანიოლი მას უკვე ძირითადის ფეხბურთელის წევრად განიხილავს. გაგნიძე ფრანგი სპეციალისტის ერთ-ერთ საყვარელ ფიგურად იქცა.
გიორგი ქოჩორაშვილი: ქოჩორაშვილმა სპორტინგის მაისურით ჩემპიონთა ლიგაზეც ითამაშა, კარგ ფიზიკურ კონდიციებშია და მზადაა, რომ ნაკრების მაისურით მორიგი წარმატებული მატჩი ჩაატაროს, თან მსოფლიოს საუკეთესო ნახევარდაცვის წინააღმდეგ, საინტერესო გამოცდა ელის.
ოთარ კიტეიშვილი: ნაკრების მთავარი ღერძი ტრავმის შემდეგ დაბრუნდა და მისი მოედანზე ყოფნით საქართველოს ნაკრების შანსები ერთიორად გაიზრდება. კიტეიშვილი ცოტა ხნის წინ ავსტრიის ჩემპიონატის სეზონის საუკეთესო ფეხბურთელად ზედიზედ მეორედ დასახელდა.
ზურიკო დავითაშვილი: სანაკრებო პაუზას დავითაშვილიც კარგი განწყობით ხვდება. მან გასულ კვირას სტ.ეტიენის მაისურით დუბლი გაიფორმა. ზურიოკო წინა სანაკრებო შეკრებაზე საუკეთესო იყო.
ხვიჩა კვარაცხელია: მიუხედავად იმისა, რომ კვარაცხელიამ პსჟ-ს მატჩები ტრავმის გამო გამოტოვა, ის შეკრებას შეუერთდა, მზადყოფნაშია და დიდი ალბათობით, ესპანეთთან ძირითადში უნდა ველოდოთ.
ჟორჟ მიქაუტაძე: ამ სანაკრებო მატჩებში ჟორჟის თამაშზე ბევრი იქნება დამოკიდებული, ახალ კლუბს იდეალურად მოერგო, საოცარ ფორმაშია და ჯერ ჩემპიონთა ლიგაზე იუვენტუსს გაუტანა, შემდეგ ლა ლიგაში რეალს.
საქართველოს ნაკრების სავარაუდო XI
