ინგლისის პრემიერ ლიგის ტურის ერთ-ერთი გამორჩეული შეხვედრა ევერტონსა და ლივერპულს შორის შედგა და სტუმართა გამარჯვებით 1:2 დასრულდა.
ძირითად შემადგენლობაში იყო ლივერპულის ქართველი მეკარე გიორგი მამარდაშვილი, რომელიც პირველ ტაიმში დამაჯერებლად იდგა და 2 სეივიც გააკეთა.
სამწუხაროდ, მეორე ნახევარში მამარდაშვილმა ტრავმა მიიღო და საკაცით გაიყვანეს. ქართველის მდგომარეობაზე მატჩის შემდეგ არნე სლოტმა ისაუბრა.
"მამარდაშვილს ჭრილობა აქვს და საავადმყოფოში გადაიყვანეს. ერთი შეხედვით, სერიოზული არაფერი უნდა იყოს და მის მალე დაბრუნებას უნდა ველოდოთ. ვნახოთ, რა მოხდება", - განაცხადა სლოტმა.
მოგეხსენებათ, ალისონის ტრავმის ფონზე, მამარდაშვილის ლივერპულის ძირითადის მეკარე გახდა და საკვანძო მატჩებში მიიღო მონაწილეობა.
