პარიზული გუნდიდან წასვლის შესახებ მბაპემ გუშინ ოფიციალურად გამოაცხადა და თქვა, რომ პსჟ-ში ეს მისი ბოლო სეზონი იყო.
ფრანგებს კი მსოფლიოს ერთ-ერთი საუკეთესო ფეხბურთელის წასვლა უხარიათ და ამის საკმარისი მიზეზიც აქვთ.
ისინი მიიჩნევენ, რომ მბაპეს წასვლის შემდეგ, პსჟ უფრო დისციპლინირებულ და ნაკლებად ეგოისტურ გუნდს ჩამოაყალიბებს, გათვლა უფრო ახალგაზრდებზე იქნება.
ამასთანავე, შემცირდება სახელფასო ჭერიც. მოგეხსენებათ, პსჟ მბაპეს ხელფასის სახით კოლოსალურ თანხას უხდიდა.
პარიზში თვლიან, რომ მთავარ მწვრთნელს შემდეგი სეზონიდან უფრო ფართო არჩევანი ექნება და გუნდი მთლიანად მბაპეზე არ იქნება დამოკიდებული, რაც სხვებს უფრო მეტ თავისუფლებას მისცემს.
