რომამ დანიელე დე როსი გუნდიდან გაუშვა

41 წლის სპეციალისტი "ჯალოროსიში" 16 იანვრიდან მოყოლებული მუშაობდა. თავიდან მხარეებს შორის დროებითი, 6-თვიანი ხელშეკრულება გაფორმდა, თუმცა კარგი მეორე წრის შემდეგ, უფროსობამ კლუბის ლეგენდას სრულფასოვანი კონტრაქტი შესთავაზა. ზაფხულის სატრანსფერო ფანჯრის დროს, გუნდი საკმაოდ გაძლიერდა, დაიხარჯა სოლიდური თანხა, თუმცა ამის მიუხედავად, რომამ 2024/25 სეზონი ძალიან ცუდად დაიწყო, რასაც დანიელე დე როსის გუნდიდან გაშვება მოჰყვა.

ამ მომენტისთვის ჯერჯერობით უცნობია, ვინ ჩაიბარებს რომას.