მილანის ყოფილ და ნიუკასლის ამჟამინდელ ფეხბურთელს დაახლოებით 50-მდე ფსონი აქვს განთავსებული საკუთარი გუნდის თამაშებზე.
ძირითადად, ის ფსონს მილანზე აკეთებდა ხოლმე, თუმცა გასაჯაროვდა ინფორმაცია, რომ დისკვალიფიკაციამდე რამდენიმე კვირით ადრე, ტონალის ნიუკასლის მატჩებზეც ჰქონია ფსონი განთავსებული.
უფრო კონკრეტულად, მან 27 სექტემბერს გამართულ მანჩესტერ სიტისა და ნიუკასლის მატჩზე დაახლოებით 10 ათასი ევრო საკუთარი გუნდის მოგებაზე დადო. ის მატჩი ნიუკასლმა 1:0 მოიგო.
ტონალიმ ასევე ფსონი დადო ნიუკასლის ბრაიტონთან (1:3), ბარნლისთან (2:0) და ბრენტფორდთან (1:0) გამარჯვებაზე.
როგორც ფეხბურთელი აცხადებს, მან დიდი ბრიტანეთის წესები არ იცოდა და არ იყო ინფორმირებული, რომ საკუთარ გუნდზე ფსონის გაკეთება არ შეეძლო. ინგლისური ფეხბურთის ასოციაციამ აღნიშნა, რომ ტონალი გადარჩენილია, რადგან ფსონი სხვა გუნდების თამაშებზეც რომ დაედო, დისკვალიფიკაცია უფრო ხანგრძლივი იქნებოდა.
