22 აგვისტოს ბუნდესლიგის 2025/2026 წლების სეზონი დაიწყება. რთული წარმოსადგენი არ არის, თუ ვინ ითვლება ჩემპიონატის მთავარ ფავორიტად. ცხადია, საუბარია მიუნხენის ბაიერნზე, რომლის პირველ პოზიციაზე გასვლას Opta 52.9%-ით აფასებს. მოქმედი ჩემპიონის შემდეგ, ლევერკუზენის ბაიერი და დორტმუნდის ბორუსია მოდიან.
რაც შეეხებათ აუტსაიდერებს, იგივე Opta-ს ვარაუდით, ბუნდესლიგიდან გავარდნის ნომერ პირველი კანდიდატია კიოლნი (31.1 პროცენტი). "თხების" შემდეგ კი მოდიან ქართველი ლეგიონერების კლუბები: ბუდუ ზივზივაძის ჰაიდენჰაიმი (29.5%) და გიორგი გოჩოლეიშვილის ჰამბურგი (29.1%).
რაც შეეხებათ მათ მოწინააღმდეგეებს ბუნდესლიგის პირველ ტურში, "როტოზენი" ესტუმრება მიუნხენგლადბახის ბორუსიას, ბადენელები კი ვოლფსბურგს მიიღებენ. ე.წ. ქართული დერბი 20 სექტემბერსა და 2 თებერვალს გაიმართება.
