გარეთ ბეილმა თავისი ყოფილი თანაგუნდელებისგან საუკეთესო თერთმეტეული შეადგინა. შეგახსენებთ, რომ ერთ დროს მსოფლიოს ყველაზე ძვირადღირებული ფეხბურთელი თამაშობდა რეალ მადრიდში, ტოტენჰემში, საუთჰემპტონსა და ლოს ანჯელესში.
"კარში კურტუას დავაყენებ. მარჯვენა მცველი - უოკერი, ცენტრში კი რამოსისა და ვარანის დუეტი. სამწუხაროდ, პეპესა და კინგის შემადგენლობის მიღმა დატოვება მიწევს. მარცხნივ - მარსელო, რომელიც რაღაცით კარლოსს ჰგავდა. შუახაზში მოდრიჩის, კროოსისა და კაზემიროს სამეული.
თავდასხმის მარცხენა ფლანგზე დავაყენებ რონალდუს, ცენტრში - ბენზემას, მარჯვნივ კი მე თუ არ ვიქნები, მაშინ აზარი. დიახ, მისი კარიერა "სამეფო კლუბში" არ ყოფილა შთამბეჭდავი, მაგრამ იქამდე, ედენი ერთ-ერთი საუკეთესო იყო", - განაცხადა უელსელმა ექს-ვინგერმა.
