კრიშტიანუ რონალდუს შვილი ესტუმრა ცნობილ ბლოგერს, 2xRaKai-ს, რომელთანაც არაერთ საინტერესო საკითხზე ისაუბრა. ერთ-ერთ ეპიზოდში ამერიკელმა სტრიმერმა აღნიშნა, ვეტერან პორტუგალიელ ფორვარდს ლამინ იამალი უკვე ჯობია. ლეგენდარული გოლეადორის შვილის პასუხმა არ დააყოვნა.
"იამალი მამაჩემს ჯობია? ამ წუთას კი, თუმცა მას ჯერჯერობით არაფერი მოუგია. ის ძალიან კარგი ფეხბურთელია, თუმცა ტიტულების გარეშე."
შეგახსენებთ, რომ პორტუგალიელმა თავდამსხმელმა ალ-ნასრთან კონტრაქტი ორი წლით გაახანგრძლივა. მისი მიზანი 2026 წლის მსოფლიო ჩემპიონატზე თამაში არის. აქვე დავამატებთ, რიადელთა კაპიტანმა სეზონი დაასრულა ერთა ლიგის მოგებით, რომლის ფინალში პორტუგალიამ ესპანეთს მოუგო.
