რონალდუს ჩაშლილი გეგმები და დიდებული კვარაცხელია — მსოფლიო მედია საქართველოზე წერს

Bleacher Report: საქართველო სადებიუტო ევროპის ჩემპიონატის 1/8 ფინალში პორტუგალიის დამარცხებით გავიდა. გმირები!

TNT Sports: ცრემლები და ემოცია! ქართველი გულშემატკივრებისთვის პლეიოფში გასვლა ყველაფერია.

UEFA: ისტორიის შემქმნელები! პირველი ევროპის ჩემპიონატი და 1/8 ფინალის საგზური. საქართველოს ნაკრების განვითარების საოცარ გზას თუ გადავხედავთ, ეს სულაც არ არის შემთხვევითობა.

ESPN: საქართველომ პორტუგალიასთან ისტორიული გამარჯვება მოიპოვა და სადებიუტო ევროპის ჩემპიონატზე პლეიოფში გავიდა.

BBC: საქართველომ პორტუგალია შოკში ჩააგდო — კარგად ორგანიზებული გუნდის მიერ შემოთავაზებული ევრო 2024-ის ყველაზე დიდი შოკი.

Sky Sports: საქართველომ პორტუგალია საოცარი მატჩით დაამარცხა და პირველ დიდ ტურნირზე 1/8 ფინალის საგზური მოიპოვა.

beIN SPORTS: კვარაცხელია საფეხბურთო კუმირს, რონალდუს 11 წლის წინ აკადემიაში შეხვდა და მიზნად დაისახა ერთ დღეს მასთან ერთად გასულიყო მოედანზე — მან ეს შეძლო და უფრო მეტიც, ბავშვობის გმირი დაამარცხა.

Eurosport: დებიუტანტებმა პლეიოფში გასვლით ევრო 2024-ის ყველაზე დიდი სენსაცია შემოგვთავაზეს.

Marca: საქართველომ ევროპის ჩემპიონატის ისტორიაში ყველაზე დაუჯერებელი გამარჯვება მოიპოვა და პლეიოფში გავიდა.

Goal.com: კვარადონამ გაცოფებული რონალდუ დაჩრდილა.

The Athletic: ევრო 2024-ის ყველაზე დიდი შოკი — რონალდუს ჩაშლილი გეგმები და დიდებული კვარაცხელია.