ჟოაუ ფელიქსმა ამჟამინდელი და ყოფილი თანაგუნდელებისგან შემდგარი სიმბოლური თერთმეტეული შეადგინა. შეგახსენებთ, რომ პორტუგალიელი ვინგერის რეზიუმე ასეთია: ბარსელონა, მილანი, ჩელსი, ატლეტიკო, ბენფიკა და ალ ნასრი. ამის გარდა, ის თავისი ქვეყნის ეროვნული გუნდის წევრიც არის.
რიადელთა გარემარბის გუნდი ასეთია - იან ობლაკი, ტიაგო სილვა, რუბენ დიაში, ჟოაუ კანსელუ, ნუნო მენდეში, ფრენკი დე იონგი, პედრი გონსალესი, ბრუნო ფერნანდეში, ლამინ იამალი, კრიშტიანუ რონალდუ და თავად 26 წლის ვინგერი. როგორც ვხედავთ, 11-ეულის მიღმა დარჩნენ ისეთი მოთამაშეები, როგორებიც არიან კეპლერ პეპე, რობერტ ლევანდოვსკი, ანტუან გრიზმანი, ილქაიუ გიუნდოგანი და ვიტინია ფერეირა.
