კადისის სპორტული დირექტორი ხუან კალა ამ გუნდის ქართველ შემტევზე, იური ტაბატაძეზე საუბრობს.
მოგეხსენებათ, ტაბატაძე კადისს ზაფხულის სატრანსფერო ფანჯარაზე შეუერთდა და გუნდის ერთ-ერთ ლიდერად იქცა, თუმცა მძიმე ტრავმის გამო მისთვის მიმდინარე სეზონი დასრულებულია.
"ძალიან სამწუხაროა, რომ ტაბატაძე ამ სეზონში დავკარგეთ. ის ჩვენი საუკეთესო ბომბარდირია, თუმცა როცა ტაბატაძე გავიფორმეთ, საერთოდ არ ველოდით, თუ ბომბარდირი იქნებოდა.
მისი და სხვა მოთამაშეების დამატებით კმაყოფილები ვართ. გამოჩნდა, რომ კარგი ტრანსფერები გავაკეთეთ", - განაცხადა კადისის სპორტულმა დირექტორმა.
ლა ლიგა 2-ის მიმდინარე სეზონში ტაბატაძემ 6 გოლის გატანა მოასწრო, კადისს კი 34 ქულა აქვს და მე-11 პოზიციას იკავებს.
