მადრიდის ატლეტიკოს მთავარმა მწვრთნელმა, დიეგო სიმეონემ პარის სენ-ჟერმენის შესახებ ისაუბრა. შეგახსენებთ, რომ მსოფლიო საკლუბო მუნდიალზე პსჟ-მ "როხიბლანკო" 4:0 გაანადგურა. იმ შეხვედრაში იყო ხვიჩა კვარაცხელიაც, რომელმაც 2 ასისტი გააკეთა.
"პარის სენ-ჟერმენი ბრწყინვალე გუნდია და მატჩიც შესაბამისი ჩაატარა. როდესაც განვლილ სეზონში ენრიკეს შეტევის მარცხენა ფლანგზე შეექმნა პრობლემა, მას უმალვე მისცეს 70 მილიონი კვარას გასაფორმებლად. ერთია ფეხბურთელის ყიდვა, მეორე კი მისი მაღალ დონეზე ათამაშება.
პსჟ-ს უპირატესობა მთელი მატჩის განმავლობაში თვალშისაცემი იყო. მათ პრესინგს უბრალოდ ვერ ვუმკლავდებოდით. მაღალი ტემპერატურა? ეს არ არის გამართლება, რადგან სიცხე აწუხებდა როგორც ერთი, ისე მეორე გუნდის მოთამაშეებსაც. პარიზელებს ნებისმიერ მეტოქესთან მოგება შეუძლიათ."
