პარის სენ-ჟერმენის ახალწვეულმა ცენტრალურმა მცველმა, ილია ზაბარნიმ მატვეი საფონოვთან ურთიერთობაზე ისაუბრა. მან აღნიშნა, რომ რუს გოლკიპერთან კომუნიკაციით, მას უწევს პსჟ-ს წინაშე არსებული პროფესიონალური ვალდებულების შესრულება.
"ჩემს ქვეყანაში უკვე ოთხი წელიწადია, რაც სრულმასშტაბიანი ომი მიმდინარეობს. რუსები არიან აგრესორები, რომლებიც უკრაინის დამოუკიდებლობის განადგურებას ცდილობენ. ომი გრძელდება და რუსებთან არანაირი სახის ურთიერთობა არ მაქვს. რაც შეეხება ჩემს თანაგუნდელს, მიწევს პარის სენ-ჟერმენის წინაშე არსებული ვალდებულების შესრულება.
ვარჯიშებზე მიწევს მასთან კომუნიკაცია, რაც ჩემი პროფესიონალური ვალდებულება არის. სანამ ომი გრძელდება, ბოლომდე დავუჭერ მხარს რუსეთის საფეხბურთო სამყაროდან მოკვეთას. ჩემს პოზიციას არ შევიცვლი."
