რუსთავის საერთაშორისო ავტოდრომზე წრიულ რბოლაში ეროვნული ჩემპიონატი - Setanta Racing Series დაიწყო.
ჩემპიონის ტიტულისთვის 20-ზე მეტი მრბოლელი იბრძვის. აღნიშნული ტურნირი რვაწლიანი პაუზის შემდეგ კვლავ იმართება.
შეჯიბრება 2 ეტაპად ტარდება, თითოეული ეტაპი სავარჯიშო სესიებს, საკვალიფიკაციო წრეებსა და გადამწყვეტ ორ რბოლას მოიცავს.
ჩემპიონატი 27 ივლისს რუსთავში საზეიმოდ გაიხსნა. პირველი რბოლის გამარჯვებული 17 წლის სანდრო ქაჯაია გახდა, ამავე რბოლაში მეორე ადგილი გიორგი ბეჟიტაშვილმა, მესამე პოზიცია კი - სანდრო თავართქილაძემ დაიკავა.
აღსანიშნავია, რომ სანდრო ქაჯაია 17 წლისაა და მისთვის საქართველოს ჩემპიონატი პირველი ოფიციალური ტურნირია უფროსებში. სანდრო წარმატებული მრბოლელის, დათა ქაჯაიას შვილია.
მეორე რბოლაში სანდრო თავართქილაძემ გაიმარჯვა. მეორე დათუნა არჯევანიძე იყო, მესამე ადგილი კიშალვა ციხელაშვილმა დაიკავა.
ავტორბოლებს შორის ტრასა მოტოსპორტის მრბოლელებს დაეთმოთ, სადაც გამარჯვება დავით რობანიშვილმა მოიპოვა, მეორე ადგილზე გიორგი მიხანაშვილი გავიდა, მესამე პოზიცია გიორგი აბაშიძემ დაიკავა.
გამარჯვებულებსა და პრიზიორებს მედლები და თასები გადაეცათ.
შეჯიბრების შესახებ lagazzetta.ge-თან ავტომრბოლელბმა ისაუბრეს:
სანდრო ქაჯაია:
" საკმაოდ დაძაბული შეჯიბრი იყო. ჩემთვის ეს პირველი ოფიციალური ტურნირია უფროსებს შორის, შემიძლია ვთქვა, რომ ჩემი სტატრით კმაყოფილი ვარ და ვფიქრობ, კარგი რბოლა გამოვიდა, ჩემ სასარგებლოდ წარიმართა პირველი რბოლა, რაც შედეგზეც აიასახა. ჩემ გამარჯვებაში რა თქმა უნდა მამაჩემის დიდი წვილია და ძალიან ვამაყობ,"
სანდრო თავართქილაძე:
"ძალიან კარგი რბოლები იყო, სწრაფი მრბოლელები უკან ვიდექით და ბევრი გასწრება მოხდა, სანახაობრივი შეჯიბრი გამოვიდა, მიხარია, რომ მეორე რბოლაში გამარჯვება შევძელი. ჩემპიონატსაც დიდი ალაბათობით, ვლიდერობ და ველოდები შემდეგ ეტაპს,"
წრიულ რბოლაში საქართველოს ჩემპიონატის მეორე ეტაპი 9 სექტემბერს გაიმართება.
