ჩემპიონთა ლიგის ნახევარფინალში პსჟ საკუთარ მოედანზე არსენალს დაუპირისპირდა, 2:1 დაამარცხა და ფინალში გავიდა, სადაც მათი მეტოქე ინტერი იქნება.
მატჩის შემდეგ, ფრანგმა ლეგენდამ ტიერი ანრიმ და პსჟ-ს პრეზიდენტმა ალ-ხელაიფიმ საინტერესო დიალიგო გამართეს და პარიზული კლუბის წარმატება განიხილეს.
ტიერი ანრი: "შენთან კითხვა არ მაქვს, უბრალოდ მინდა პატივისცემა გამოვხატო და გეტყვი რატომაც. ფრანგულ ფეხბურთში ყოფნა და წარმატების მიღწევა დიდ წნეხთანაა დაკავშირებული. შენ სწორად გააანალიზე, რა აკლდა ფრანგულ ფეხბურთს დიდ ასპარეზზე თავის წარმოსაჩენად. მოიყვანე ბრწყინვალე მწვრთნელი ლუის ენრიკეს სახით. მადლობა იმისთვის, რომ შეცვალე პსჟ-ს გზა უკეთესობისკენ. შეცვალე ბევრი რამ - მაგალითად, ხალხს შეუძლია პარკ დე ფრანსზე მოვიდეს და თამაშს უპრობლემოდ უყუროს. მინდა, ჩემპიონთა ლიგა პსჟ-მ მოიგოს, რადგან ვხედავ, რა გაკეთდა აქამდე მოსასვლელად. მადლობა."
ალ ხელაიფი: "დიდი მადლობა ტიერი, შენნაირი ლეგენდისგან მსგავსი სიტყვების მოსმენა დიდი პატივია. არსენალის ექს-ფეხბურთელი ხარ, მაგრამ შენ ხარ ფრანგი და იცი, რომ ეს წარმატება არამხოლოდ პსჟ-სთვის, არამედ მთლიანად საფრანგეთისთვისაა მნიშვნელოვანი - ლიგისთვის და ახალგაზრდა ფეხბურთელებისთვის. ერთი მატჩი წინაა და მისია ჯერ არ შესრულებულა."
