შეხვედრაში პირველი გოლი საკმაოდ მალე გავიდა - ატლეტიკოს პრესინგს მაატსენის შეცდომა მოჰყვა, რითაც როდრიგო დე პოლმა მე-4 წუთზე ისარგებლა და საკუთარი გუნდი წინ გაიყვანა. მეორე გოლი კი ჩოლოს გუნდმა პირველი ტაიმის მიწურულს გაიტანა, თავი ამჯერად სამუელ ლინომ გამოიჩინა.
მადრიდელებმა მეორე ტაიმიც კარგად დაიწყეს, რამდენიმე სახიფათო მომენტიც ვიხილეთ თუმცა გოლის გატანა სტუმარმა გუნდმა მოახერხა. 81-ე წუთზე ატლეტიკოს საჯარიმოში არეულობას სებასტიან ალეს გატანილი გოლი მოჰყვა, 2-1. მატჩის ბოლომდე გერმანელებმა ორი ძალიან სახიფათო მომენტის შექმნა მოახერხეს, თუმცა ატლეტიკოს ამ შეხვედრაში საოცრად უმართლდებდა.
საბოლოოდ მეტი გატანილი გოლი აღარ გვინახავს, ყველაფერი კი მეორე მატჩში გადაწყდება.
